Қағидалармен туыстық қатынастар расталған жағдайда жұбайына (зайыбына), жақын туыстарына төлемді беруді ресімдеу құқығы көзделген.
Сіз өзіңіздің жақын туыстарыңызға немесе жұбайыңызға (зайыбыңызға) БЗТ-ны ішінара немесе толығымен бере аласыз. Жақын туыстар - жұбайы, зайыбы, ата-анасы, балалары, бала асырап алушылары, асырап алынған балалары, ата-анасы бір/ата-анасы бөлек аға-інілері мен әпке-сіңлілері (қарындастары), атасы, әжесі.
Halyk қосымшасында БЗТ-ны жұбайына (зайыбына)/жақын туыстарына беруге өтінімді онлайн жіберу іске асырылғанын қосымша хабарлаймыз.
Сіз БЗТ-ны:
1) бірнеше алушыға
2) егер сіз зейнетақы қаражатыңыздың бір бөлігін пайдаланған болсаңыз, бере аласыз.

"1. Зейнетақы жинақтарын жақын туыстарына/ жұбайына (зайыбына) беру үшін:
* Halyk қосымшасын Android үшін Google Play-ден немесе iOS (iPhone) үшін App Store-дан жүктеп алыңыз*
• Halyk-ты ашып, "Тіркелу" батырмасын басыңыз
• Басты экранда "Мемлекеттік қызмет" бөлімінде" Жеңілдіктер, жәрдемақылар және зейнетақы" бөлімін таңдаңыз
• БЗТ алу өтінімінде деректерді толтырыңыз және "Жұбайына (зайыбына)/ жақын туыстарына төлемдерді беруді" таңдаңыз
• Пайдасына зейнетақы жинақтары берілетін клиенттің ЖСН мен ұялы телефон нөмірін толтырыңыз
• Ашылатын тізімнен филиалды таңдаңыз және өтініш білдіру қаласы/ елді мекен өрісін толтырыңыз (қажет болған жағдайда Сізге қай қаланың бөлімшесіне өтініш білдіру ыңғайлы болады)
• Әрі қарай экрандағы нұсқауларды орындаңыз
• Өтінім ресімделгеннен кейін БЗТ алушыға SMS-хабарлама келеді
Маңызды! Зейнетақы төлемдерін алушы Halyk қосымшасында тіркелуі тиіс

* Halyk қосымшасында тіркелмеген клиенттерге Android немесе iOS смартфондарына арналған қосымшаны жүктеу, қосымшада тіркелу және одан әрі жоғарыдағы нұсқауларды орындау қажет.

2. Егер сіздің пайдаңызға тұрғын үй жағдайларын жақсарту үшін БЖЗҚ-дан БЗТ беруге өтінім берілсе:
• Halyk қосымшасына кіріңіз
• Басты экранда "Мемлекеттік қызмет" бөлімінде" "БЖЗҚ төлемдерін" таңдаңыз
• Жіберуші және берілген БЗТ сомасы туралы ақпаратты қосымшада құжаттарға қол қойған кезде БЗТ беру туралы келісімде тексере аласыз

Егер Сіз БЗТ есепке жатқызу үшін алдын ала арнайы шот ашпаған болсаңыз, Банк оны БЗТ алуға өтінім беру процесінде автоматты түрде ашады.

Өтінім беруден бұрын клиент өзінің зейнетақы жинақтарын ішінара алу үшін қолжетімді соманы алдын ала:
• www.enpf.kz сайты арқылы тіркеліп не жеке кабинетке кіру жолымен
• mGov мобильді азаматтар базасында тіркелген мобильді нөмірге SMS арқылы келген біржолғы парольді пайдалана отырып, https://cabinet.enpf.kz/porog ресурсы арқылы
• https://egov.kz сайты арқылы нақтылау қажет

Жақын туыстар - жұбайы, зайыбы, ата-анасы, балалары, бала асырап алушылары, асырап алынған балалары, ата-анасы бір/ата-анасы бөлек аға-інілері мен әпке-сіңлілері (қарындастары), атасы, әжесі.

БЗТ пайдаланудың негізгі шарттары:
1) төлемдерді алушылар тұрғын үй жағдайларын жақсарту мақсаттарына пайдалануы мүмкін:
- Тұрғын үй сатып алуға ипотекалық қарыз алу үшін бастапқы жарна енгізу арқылы тұрғын үй жағдайын жақсарту;
- Halyk Bank-тегі ипотекалық қарыз бойынша берешекті ішінара немесе толық өтеу;
- Екінші деңгейдегі басқа банктегі ипотекалық қарыз бойынша берешекті ішінара немесе толық өтеу;
- Ипотекалық тұрғын үй қарызын қайта қаржыландыру.
2) туыстық қатынастар расталған жағдайда алушының жақын туыстарына төлемдерді беруді ресімдеуге құқығы бар. Бұл жағдайда алушының жұбайының (зайыбының), алушының жақын туыстарының зейнетақы төлемдері алушының арнайы шотына есептеледі, ол оларды тек көзделген мақсаттарға ғана пайдалана алады.
3) алушылар өздерінің зейнетақы жинақтары шегінде төлемдерді шексіз рет және таңдап алынатын мақсаттар санын шектемей пайдалана алады;
4) БЗТ-ны меншікті және (немесе) қарыз қаражатымен бір мезгілде пайдалануға болады;
5) алушының меншігінде тұрғын үйдің болуы БЗТ алудан және пайдаланудан бас тарту үшін негіз болып табылмайды;
6) төлемдерді алушы өтініш берушінің және (немесе) алушының жұбайы (зайыбы), жақын туыстары меншік иесі болып табылатын жылжымайтын мүлікті сатып алу үшін пайдалануына жол берілмейді.
7) БЗТ-ны қолма-қол ақшасыз және тек 1-тармақта көрсетілген таңдалған мақсаттарға ғана пайдалануға болады;
8) БЗТ қаражатының нысаналы мақсаты бойынша құжаттарды олар арнайы шотқа түскен күннен бастап 10 жұмыс күні ішінде Банкке ұсыну қажет. Әйтпесе, Банк алушыға хабарлап, қаражатты БЖЗҚ-ға қайтаруы тиіс.
9) 5 (бес) жыл бойы біржолғы зейнетақы төлемдерін пайдалана отырып, меншікке ресімделген жылжымайтын мүлікті сатуға жол берілмейді. Біржолғы зейнетақы төлемдерін пайдалана отырып меншікке ресімделген жылжымайтын мүлікті иеліктен шығару жөніндегі осы норма 01.01.2021 ж. бастап ресімделген ипотекалық тұрғын үй қарыздарына, сондай-ақ өтеу мерзімі 5 жылдан асатын және өтелмеген берешегі бар ипотекалық тұрғын үй қарыздарына ғана қолданылады.

Өз БЗТ-ын беретін клиент өтінім бергеннен кейін 2 жұмыс күні ішінде хабарласатын Банк менеджерінен қоңырау күтуі тиіс.
Пайдасына БЖТ-ны беру туралы өтінім жіберілген клиентке БЗТ-ны беретін клиент өтінім бергеннен кейін SMS-хабарлама келеді.

Өтінімдердің күйін Halyk қосымшасында тексеруге болады, "Мәзір" опциясында "Менің өтінімдерімді" таңдаңыз.

1. Зейнетақы жинақтарын ішінара алу үшін қолжетімді соманы білу.
2. БЗТ пайдалану мақсатын анықтау (БЗТ пайдалану мақсаттары шеңберінде)
3. БЖЗҚ-дан БЗТ алуға өтінімді Halyk қосымшасында рәсімдеу. БЗТ-ға арналған арнайы шот ол болмаған жағдайда автоматты түрде ашылады.
4. Банк менеджерінен қоңырауды 2 жұмыс күні ішінде күту керек.
5. Менеджер сізге келесі әрекеттер туралы хабарлайды.
6. БЗТ алу мақсатына байланысты нысаналы мақсатын растайтын құжаттарды ұсыну қажет.
7. Банк БЖЗҚ-ға өтініш жібереді, БЖЗҚ 5 жұмыс күні ішінде қабылданған шешімді Банкке жібереді.
8. Банк БЗТ сомаларын алушының арнайы шотына аударған күннен бастап 10 жұмыс күні ішінде БЗТ-ны мақсатты пайдалануға жібереді.

Halyk мобильді қосымшасында тіркелу:
1. Android үшін Play Market-тен немесе iOS (iPhone) үшін App Store-дан Halyk қосымшасын жүктеп алыңыз
2. Қосымшаны ашып, "Кіру/Тіркелу" батырмасын басыңыз:
• Мобильді нөмірге жіберілген SMS арқылы алынған кодты енгізіңіз
• Өз ЖСН енгізіп, Құпиялылық саясатының талаптарымен танысыңыз
• Нұсқаулыққа сай жеке бастың бейне-растауынан өтіңіз
• Қосымшаға әрі қарай кіру үшін оған 4 таңбалы саннан тұратын кіру кодын орнатыңыз
Дайын! Halyk-тың барлық артықшылығын бүкіл әлем бойынша 24/7 пайдаланыңыз.

Жеке басын куәландыратын құжаты (жеке куәлігі, шетелдіктің ҚР-да тұруға ықтиярхаты, ҚР төлқұжаты) жоқ клиенттерге Halyk-та тіркелу уақытша қолжетімсіз.
Төлқұжат деректерімен Android платформасында 5.16.0 нұсқасынан бастап тіркелу қолжетімді.

БЖЗҚ-ға өтінімді Halyk қосымшасында ресімдеген кезде зейнетақы жинақтарын беретін клиент және алушы ЭЦҚ-мен электрондық форматта мынадай құжаттарға қол қояды:
• БЗТ-ға өтініш;
• ЖТС ұстап қалу туралы өтініш;
• Арнайы шот ашу туралы өтініш;
• БЗТ беру туралы келісім;
• Клиенттің ЭЦҚ.

Halyk қосымшасында БЗТ алуға онлайн өтінім бергеннен кейін Банк менеджері сізге 2 жұмыс күні ішінде хабарласады. Банк менеджері әрі қарайғы әрекеттер мен өзіне ұсыну үшін қажетті құжаттар тізімін (қажет болған жағдайда) жариялайды.

БЗТ алу үшін арнайы шотқа. Егер сіз БЗТ есепке жатқызу үшін алдын ала арнайы шот ашпаған болсаңыз, Банк оны БЗТ алуға/ басқаға беруге өтінім беру процесінде автоматты түрде ашады.

БЗТ беруге өтінімдерді ресімдеу саны шектелмеген. БЗТ шексіз рет пайдалануға болады және бірнеше өтінім жіберу арқылы БЗТ-ны бірнеше алушыға беруге болады.
Бұл ретте барлық өтінім бойынша жалпы сома өзінің зейнетақы жинақтарын ішінара алып қоюға қолжетімді соманың мөлшерінен аспауға тиіс.

Иә, төлемдерді алуға өтінім жіберген кезде, Сізге автоматты түрде БЗТ есепке алу үшін арнайы шот ашылады (егер Сіз БЗТ есепке жатқызу үшін арнайы шотты алдын ала ашпаған болсаңыз). Арнайы шот үшінші тұлғалардың талаптарынан қорғалған және БЖЗҚ-дан БЗТН-ны алу үшін ғана қарастырылған.

Сізге Halyk қосымшасын Android үшін Google Play-де немесе iOS үшін (iPhone) App Store-да соңғы нұсқасына дейін жаңарту қажет.

БЗТ алуға өтінім жібергеннен кейін 5 жұмыс күні ішінде:
- себебін көрсете отырып, БЖЗҚ-дан бас тарту келеді. БЗТ төлеуден бас тартылған жағдайда, Банк Сізге хабарлама және бас тарту себебін жібереді.
- немесе егер БЗТ төлемі БЖЗҚ-да мақұлданса, сома арнайы шотқа түседі, ол туралы Сізге соманы есепке жатқызу туралы Банктен хабарлама келеді.

БЖЗҚ БЗТ төлеу туралы шешімді Банк менеджері өтінімді БЖЗҚ-ға қарауға жібергеннен кейін 5 жұмыс күні ішінде қабылдайды. БЖЗҚ тарапынан жауап алған жағдайда, Сізге сенім білдірілген нөміріңізге SMS-хабарлама жіберіледі.

Арнайы шотты ашу/жабу шарттарын әрбір уәкілетті оператор дербес айқындайды. Halyk Bank-те арнайы шот ашқан кезде, Сіз келесі жағдайларда арнайы шотты жабуға рұқсат бересіз:
• БЗТ нысаналы мақсаты бойынша пайдаланылғаннан немесе Қазақстан Республикасының заңнамасында айқындалған мерзімде БЗТ қалдығы БЖЗҚ-ға қайтарылғаннан кейін 3 (үш) ай ішінде ақша болмаған кезде;
• БЗТ сомасы осы шотқа 3 (үш) ай ішінде түспеген жағдайда.

БЗТ-ны есепке алуға арналған арнайы шот тек БЗТ төлемдерін пайдалануға арналған. Басқа мақсаттар үшін Сіз бұл шотты пайдалана алмайсыз.