Клиенттің ақшалай қаражаты Клиенттің инвестициялық шотында сақталады, ал KASE және AIX-тегі айналыстағы бағалы қағаздар БҚОД-да оның қосалқы шотында және тиісінше AIX CSD-да сақталады.

Шартқа қосылу кезінде Клиент бағалы қағаздар нарығындағы қызметке байланысты жүйелік және жүйелік емес тәуекелдердің болу фактісін толық түсінетіндігін растайды. Брокер Клиент қабылдаған инвестициялық шешімге байланысты оған келтірілген қандай да бір залал үшін жауапты болмайды, өйткені Брокер берілген клиенттік тапсырыстың/бұйрықтың талаптары мен параметрлерімен әрекет етеді.

Брокерге тиесілі қаржы құралдары мен ақша оның клиенттерінің қаржы құралдарынан және ақшасынан бөлек есепке алынуы тиіс. Клиенттерден келіп түсетін қаржы құралдары мен ақшаны брокер өзінің клиенттеріне тиесілі қаржы құралдары мен ақшаны онымен үлестес емес банктерде және (немесе) бағалы қағаздар депозитарийінде және (немесе) кастодиандарда (тек шетел эмитенттерінің бағалы қағаздары бойынша) және (немесе) клирингтік ұйымдарда және (немесе) есеп айырысу ұйымдарында және (немесе) шетелдік есеп айырысу ұйымдарында есепке алуға және сақтауға арналған шоттарға есепке жатқызуы тиіс.

Брокерге тиесілі қаржы құралдары мен ақша оның клиенттерінің қаржы құралдарынан және ақшасынан бөлек есепке алынуы тиіс. Брокер лицензиядан айырылған кезде немесе брокер банкротқа ұшыраған кезде клиенттің активтері клиент шот ашатын басқа брокерге аударылады.

Клиентпен іскерлік қарым-қатынастарды Halyk МҚ арқылы қашықтан орнату кезінде "Қазақстан Халық жинақ банкі" АҚ-пен клиенттің дербес деректерімен алмасу жүргізіледі. Сондай-ақ дербес деректер Ұлттық қауіпсіздік органдарына, анықтау және алдын ала тергеу органдарына олардың өндірісіндегі қылмыстық істерге қатысты сұрау салулары бойынша берілуі мүмкін.