Halyk Info - Часто Задаваемые Вопросы

Қазақстанның ірі банкіндегі сенімді салымдар!
• сыйақының ең жоғарғы мөлшерлемесі
• сақтандырылған депозит
• пайыздарды төлеу - ай сайын, капиталдандыру мүмкіндігімен.

Депозит бойынша алдын ала сыйақы мөлшерін есептеуге бола ма?

Иә, Halyk-те, сондай-ақ Банк сайтында «Депозиттер» бөлімінде депозиттік калькулятор бар. Ол арқылы Сіз депозит бойынша есептерді жүзеге асыра аласыз.
"Депозиттер" бөлімі

Депозит бойынша ақша сомасын толықтыру немесе ішінара алу операциялары көзделген бе?

Жоқ, депозиттің бұл түрі бойынша қосымша ақшалай жарналар енгізу және ішінара алу қарастырылмаған.

Мен баламның атына депозит аша аламын ба?

Иә, Halyk Bank-те Сіз ұсынылған топтамада бар кез келген салымды балаңыздың атына аша аласыз.

Қазақстан Республикасының бейрезиденті есептелген сыйақыдан салық төлеуге тиіс пе?

2018 жылғы 01 қаңтардан бастап Қазақстан Республикасының Салық кодексіндегі өзгерістерге байланысты резидент еместер депозиттер бойынша ай сайынғы сыйақыдан 15% мөлшерінде, ал салық салуда жеңілдігі бар мемлекетте тіркелген бейнерезидентер 20% мөлшерінде салық төлеуге міндетті.

Клиентке салық органдарының Қазақстан Республикасының резиденттігін растайтын құжаты болған кезде салық резиденті мәртебесі берілуі мүмкін. Мұндай клиенттер сыйақы түріндегі табыстан Қазақстан Республикасының салық заңнамасының нормаларына сәйкес төлем көзінен салық төлеуден босатылады.

Салық резиденті мәртебесін растау үшін Сізге тұруға ықтиярхатыңызды немесе салық органынан растайтын құжатты Банк бөлімшесіне әкелу қажет.

Депозит бойынша үзінді көшірмені қайдан ала аламын/депозит бойынша есептелген сыйақы сомасын қайдан біле аламын?

Банк бөлімшесіне келмей-ақ, кез келген уақытта Halyk қосымшасында үзінді көшірмесін көре саласыз.
Үзінді көшірмені Halyk қосымшасында PDF форматында онлайн алуға болады:
• Депозитті таңдаңыз
• Қажетті кезеңді таңдап, PDF белгішесін басыңыз

Салымды мерзімінен бұрын бұзу үшін айыппұл көзделген бе?

Депозит мерзімі аяқталғанға дейін оны мерзімінен бұзу кезінде салым бойынша сыйақы төленбейді.

Депозит мерзімінен бұрын бұзылған кезде сыйақы қалай есептеледі?

Депозит мерзімі аяқталғанға дейін оны мерзімінен бұзу кезінде салым бойынша сыйақы төленбейді.

Мен Банктік салым шартымен қайдан таныса аламын?

Сіз Шарттың талаптарымен Банктің веб-сайтында «Құжаттар» - «Депозиттер» бөлімінде Банктік салым шартын таңдап, таныса аласыз.
Сіз сондай-ақ Halyk-те депозит ашқан кезде Депозит шарттарымен таныса аласыз.

Қосымша арқылы ашылған депозит жайлы өтінімді Банк бөлімшесінен алуға болады.
Жеке тұлғаның банктік салымының қосылу шарты

Депозитті Банк бөлімшесіне бармай-ақ жабуға болады ма?

Депозитті тек банк бөлімшесінде жабуға болады, өзіңізбен бірге жеке басты куәландыратын құжат болуы керек.
Егер Сіз жеке куәлігіңізді ұмытып кетсеңіз, жеке куәлік түпнұсқасын ұсынбай-ақ, жеке басын куәландыратын цифрлық құжат негізінде шотты ашуға мүмкіндігіңіз бар.

Максималды депозит боыйнша шартты бұзуға дейін 30 күнтізбелік күн бұрын Банк бөлімшесіне келіп, Өтінішке қол қою арқылы ескерту қажет.