• Өтемақы алу үшін осы салымды 2023 жылғы 24 ақпанға дейін сақтай отырып (шартты салымдар мен талап етуге дейінгі салымдарды қоспағанда), 2022 жылғы 23 ақпандағы жағдай бойынша қолданыстағы теңгедегі салымның болуы қажет.
• Салымды 2023 жылғы 24 ақпанға дейін жаппау маңызды *.
• Салым 2023 жылғы 24 ақпанға дейін мерзімінен бұрын жабылған кезде салым автоматты түрде Бағдарламаға қатысудан шығарылады.
• 24.02.2022 ж.бастап 29.04.2022 ж. аралығындағы кезең бойынша салым автоматты түрде жабылған кезде 2022 ж. 1 қазанына дейінгі мерзімде қоса алғанда жаңа салымды (салымдарды) ашуға жол беріледі. Бұл жағдайда жаңа салым жабық салым сомасы есебінен, яғни жабық салым сомасы есептелген ағымдағы/карточкалық шоттан ашылған жағдайда, жаңадан ашылған депозиттер Бағдарламаға қатысатын болады.
• Салымды ішінара алуға жол беріледі, бұл ретте сыйлықақыны есептеу 24.02.2022 жылдан бастап 23.02.2023 жылды қоса алғандағы кезең ішінде қалыптасқан ең аз қалдыққа жүргізілетін болады.
• Салымды толықтыру шектелмеген, бұл ретте өтемақы сомасын есептеу кезінде толықтыру сомасы ескерілмейді.
• 10% мөлшеріндегі өтемақы әрбір салымшыға оның барлық салымдары бойынша біржолғы, бірақ 2 000 000 теңгеден аспайтын мөлшерде төленеді.
• Салымшыларға өтемақы төлеу Бағдарламаның талаптарына сәйкес келетін салым/салымдар бойынша жалпы сомасы 20 000 000 теңге шегінде жүзеге асырылады.
• Өтемақы банктік салым шартына байланысты ағымдағы не карточкалық шотқа есептелетін болады.
• Өтемақы 2023 жылдың наурыз айында төленеді.

* Шарттың қолданылу мерзімі 24.02.2023 ж. дейін аяқталатын салымдар салымды ұзарту сәтіндегі қолданыстағы талаптармен автоматты түрде ұзартылады. Автоматты түрде ұзарту 2022 жылдың 29 сәуірінен бастап жүзеге асырылды.

Бағдарлама шарттары «Ашық НҚА» ресми сайтында орналастырылған.
«Ашық НҚА» ресми сайты