Дивидендтер алу үшін Сіз тізілімді тіркеген күні акционерлердің тізілімінде болуыңыз керек. Т+2 схемасы бойынша есептеулерді ескере отырып, акцияларды тізілімді тіркеу күніне дейін кемінде үш-төрт күн бұрын сатып алу ұсынылады, өйткені меншік құқығының ауысуы есеп айырысу күні болады.

Қаржы жылының қорытындысы бойынша АЖЖ эмитент компанияның пайдасын акционерлер арасында бөлу, яғни дивидендтер төлеу туралы шешім қабылдай алады. Осы жиналыста дивиденд сомасы, тізілімді тіркеу және нақты төлеу күндері туралы шешім қабылданады. Дивидендтер клиенттің инвестициялық шотына есептеледі. Алынған пайданы компанияны дамытуға немесе борыштарды өтеуге бағыттау туралы шешім қабылдаған кезде дивиденд төленбейді. Дивидендтерді төлеу жиілігі компанияның дивидендтік саясатына байланысты. Қазақстандық эмитенттер бойынша дивидендтерді жылына бір рет төлеу әдеттегі тәжірибе. Шетелдік эмитенттер тоқсан сайын немесе жарты жылда бір рет және т. б. және т.с.с. дивидендтер төлей алады.