Halyk Info - Часто Задаваемые Вопросы

Инвестицияның басты бетінде «Операциялар» батырмасын, одан әрі «Белсенді өтінімдер» батырмасын басыңыз, қажетті өтінімде «Болдырмау» батырмасын басыңыз.

Ақшалай қаражатты инвестициялық шоттан қалай шығаруға болады?

Halyk Invest басты бетінде сіз карталық / ағымдағы шотқа аударым жасай аласыз.

Ақшаны үшінші тұлғаға аударуға бола ма?

Инвестициялық шоттан ақша аудару клиенттің өзінің пайдасына ғана жүргізілуі мүмкін, үшінші тұлғаға мұндай аударымға тыйым салынады. Алайда, сіз инвестициялық шоттан қаражатты өзіңіздің шотыңызға аудара аласыз және одан әрі үшінші тұлғаның пайдасына стандартты карталық аударым жасай аласыз.

Halyk Invest арқылы басқа брокерден қағаздарды қалай есепке жатқызуға болады?

Жақын арада бұл функция Halyk МҚ-да Инвестициялар бөлімінде қолжетімді болады.

Қосымша арқылы репоға тапсырыс бере аламын ба?

Жоқ, бұл операция әзірге мобильді қосымшада қолжетімді емес.

Мен қосымша арқылы облигацияларға/еурооблигацияларға тапсырыс бере аламын ба?

Жоқ, бұл операция мобильді қосымшада қолжетімді емес.

Мобильді қосымша арқылы тапсырыстардың қандай түрлерін бере аламын?

Қазіргі уақытта Halyk МҚ 1 күн қолданылу мерзімі бар лимиттік өтінімдерді/тапсырыстарды қабылдайды. Жақын болашақта өтінімдердің/тапсырыстардың мынадай түрлері қолжетімді болады: • Нарықтық бұйрық

Қорлардың жарнапұлдарын сатып алу мүмкіндігі бола ма?

Иә, KASE және AIX-те қолжетімді ЖИҚ-терді сатып алу және сату Halyk Invest-те қолжетімді.

Неліктен бір қағаз бойынша KASE Global-дағы баға белгіленімдері NYSE/NASDAQ-тағы баға белгіленімдерінен ерекшеленеді?

Әрбір сауда алаңында құралдар бойынша өз сұранысы пен ұсынысы қалыптасады. Сондай-ақ, бұл факторға нарықтың ауқымдылығы әсер етеді, атап айтқанда әрбір жеке Биржадағы сұраныс пен ұсыныстар көлемі әсер етеді.

Қысқа саудаға, маржалық мәмілелерге рұқсат етілген бе?

Маржалдық мәмілелер бойынша қызметтер көрсетілмейді.

Неліктен сатып алуға өтінім берген кезде көп ақша бұғатталады?

Мәміле көлемін есептеу кезінде мәміленің таза сомасы ғана емес, сонымен бірге ілеспе комиссиялар да бұғатталады. Өтінімді толтыру кезінде қосымша ілеспе комиссиялардың мөлшерін автоматты түрде есептейді және көрсетеді.

Неліктен сатудан кейін аз ақша келеді?

Сатудан кейін мәміле сомасынан ілеспе комиссиялар ұсталады. Өтінімді толтыру кезінде қосымша ілеспе комиссиялардың мөлшерін автоматты түрде есептейді және көрсетеді.

Мәміле жасалғаннан кейін (сатып алу/сату) тарихтағы операцияның мәртебесі неге «аяқталған жоқ" деп тұр? Клиент тапсырысты болдырмады деген мәртебе нені білдіреді?

Клиент өтінімді өзінің жеке қалауы/бастамасы бойынша болдырмады, Тапсырысты жүйе болдырмады – мәмілелер жасалмаған барлық өтінімдерді сауда сессиясының соңында биржа болдырмайды, яғни өтінімнің қолданылу мерзімі – 1 күн.

Егер мен баланста жеткілікті соманы көрсем, жүйе неге қаражаттың жеткіліксіздігі туралы қатені шығарады?

Сізде белсенді өтінімнің немесе есеп айырысулары әлі жүргізілмеген, сіздің балансыңызда көрсетілгенімен олардың сомалары бұғатталып қойған жасалған мәміленің болуы әбден мүмкін. Бұл сомалар есеп айырысулар жүргізілгенннен кейін есептен шығарылады.

AIX-те акцияларды сатып алып, KASE-де сатуға бола ма?

Жоқ.

«Бос ақша» бетбелгісінде дұрыс соманың көрсетілуіне қанша уақыт жұмсалады?

Қағида бойынша 3 күнге дейін уақыт жұмсалады. Іс жүзінде, егер Банк пен клиент тарапынан ешқандай проблемалар болмаса, негізінен 10 минуттан 30 минутқа дейін уақыт жұмсалады.

«Егжей-тегжейлері» бетбелгісінде және «стақан» бетбелгісінде көрсетілетін сома әртүрлі. Неліктен?

Егжей-тегжейлерінде мәміленің соңғы бағасы көрсетілген, ал стақанда қарау сәтіндегі өзекті бағалар көрсетіледі.