Apple Pay

Apple смартфондары мен смарт сағаттарының иелері үшін жанасусыз төлемдер.

Apple Wallet қосымшасы арқылы
1. Wallet таңдаңыз және + белгісін басыңыз
2. "Жалғастыру"-ды басып карта деректерін толтырыңыз
3. Банк немесе карта эмитенті картаны тексеруден өткеннен кейін "Әрі қарай" белгішесін басыңыз.
Дайын! Енді Сіз Apple Pay арқылы сатып алулар жасай аласыз.

Apple Pay Halyk Bank-тің барлық Visa, MasterCard карталарына (корпоративтік карталарды қоспағанда), соның ішінде виртуалды карталар мен Amex карталарына да қолданылады.

Жанасусыз төлемдерді қабылдайтын жерде Apple Pay телефонымен және смарт-сағатпен төлем жүргізе аласыз.

Телефон және FaceID арқылы төлеу үшін:
• оң жақтағы жоғарғы батырманы екі рет басыңыз. Телефон сізді бейне-растау арқылы автоматты түрде анықтайды
• жанасусыз төлемдерді қабылдау функциясы бар телефонды терминалға тақаңыз
• төлем сәтті болған жағдайда, телефон экранында "Дайын/Done" деген жазумен хабардар етеді.
Телефон және TouchID арқылы төлеу үшін:
• Home/Үйге нбатырмасын екі рет басыңыз, телефон Сізді саусақ ізімен анықтайды
• жанасусыз төлемдерді қабылдау функциясы бар телефонды терминалға тақаңыз
• төлем сәтті болған жағдайда, телефон экранында "Дайын/Done" деген жазумен хабардар етеді

Бейне нұсқауды қараңыз: applepay.kz.

Apple Pay транзакцияларын қорғау құрылғының аппараттық және бағдарламалық жасақтамасына енгізілген қауіпсіздік функциялары арқылы қамтамасыз етіледі. Apple Pay жүйесі пайдаланушының жеке деректерін қорғауға арналған. Apple компаниясы Apple Pay-ге қосылған кредит, дебеттік немесе алдын ала төленген карталардың бастапқы нөмірлерін сақтамайды және оларға қол жеткізе алмайды.

iPhone SE, iPhone 6 және жаңа модельдері немесе Apple Watch. Apple Pay жұмыс істейтін құрылғылардың толық тізімін төмендегі сілтемеден таба аласыз.
Список устройств

Apple Pay-ге қосылу және оны одан әрі пайдалану тегін.

Apple Pay-ді Apple Watch сағатын Сіздің смартфоныңыздағы Apple Watch қосымшасы арқылы қосуға болады.

Apple Pay және үйлесімді Apple Watch моделінің көмегімен төлемдер жасауға және сатып алулар жасауға болады:
• дүкендерде және басқа да төлем қабылдау нүктелерінде (қызметтер)
• көлік жүйелерінде
• онлайн-сатып алулар.

Apple Pay арқылы жүргізілген төлемді болдырмау/қайтару үшін:
• телефонда Wallet қосымшасын ашыңыз
• сатушы оны іске қосқан кезде смартфонды терминалға тақаңыз
Ақшалай қаражаттың түсуін Halyk қосымшасында тексере аласыз.

Телефонның моделіне байланысты Apple Pay-ге 12 төлем картасын байлауға болады.

Иә, Apple Pay-де транзакциядан бас тарту туралы ескерту функциясы бар.

Жоқ, iPhone құрылғысындағы Apple Wallet-тен картаны жойған жағдайда, Apple Watch-тан бірдей карта жойылмайды, себебі карта әр құрылғыға тәуелсіз қорғалған элемент ретінде қосылады

Картаны Apple Wallet-ке қосқан кезде, карта жабылған немесе бұғатталған жағдайда қателік туралы хабарлама берілуі мүмкін.
Басқа жағдайларда 7111 нөмірі бойынша байланыс орталығына хабарласу қажет.