Біржолғы зейнетақы төлемі (БЗТ) - бұл бұл міндетті зейнетақы жарналары және (немесе) міндетті кәсіптік зейнетақы жарналары есебінен қалыптастырылған зейнетақы жинақтарының сомасы, сондай-ақ тұрғын үй жағдайларын жақсарту мақсатында алушы БЖЗҚ-дан алатын инвестициялық табыс (клиенттің қалауы бойынша төлемдерді алу мақсатында осы табысты қосу)

"Қазақстан Республикасында зейнетақымен қамсыздандыру туралы" Заңға сәйкес "зейнетақы жинақтарының ең аз жеткіліктілігінің шегі" термині салымшының зейнетақы жинақтарының нақты сомасын, сондай-ақ оның зейнетақы жасына жеткен кезде оған ең аз зейнетақыдан кем емес зейнетақы табысын қамтамасыз етуге мүмкіндік беретін болашақ зейнетақы жарналары мен инвестициялық табысын қамтиды. Жеткіліктілік шегін есептеуге арналған әдістеме мен параметрлер Қазақстан Республикасы Үкіметінің қаулысымен айқындалады және әрбір жас үшін жеке есептеледі.
Зейнетақы жинақтарының бір бөлігін пайдалану үшін жеткіліктілік шегі туралы толығырақ БЖЗҚ сайтында төмендегі сілтеме бойынша оқыңыз."
Жеткіліктілік шегі

Өтініш бергенге дейін клиент өзінің зейнетақы жинақтарын ішінара алу үшін қолжетімді соманы:
• www.enpf.kz сайты арқылы тіркелу немесе жеке кабинетке кіру
• мобильді азаматтар базасында тіркелген ұялы телефон нөміріне SMS арқылы алынған бір реттік парольді пайдалана отырып https://cabinet.enpf.kz/porog mGov ресурсы арқылы
• https://egov.kz сайты арқылы алдын ала нақтылауы қажет

Halyk Bank-те БЗТ-ны пайдаланудың негізгі шарттары:
1) төлемдерді алушылар тұрғын үй жағдайларын жақсарту мақсаттарына пайдалануы мүмкін:
- Тұрғын үй сатып алуға ипотекалық қарыз алу үшін бастапқы жарна енгізу арқылы тұрғын үй жағдайын жақсарту;
- Halyk Bank-тегі ипотекалық қарыз бойынша берешекті ішінара немесе толық өтеу;
- Екінші деңгейдегі басқа банктегі ипотекалық қарыз бойынша берешекті ішінара немесе толық өтеу;
- Ипотекалық тұрғын үй қарызын қайта қаржыландыру.
2) туыстық қатынастар расталған жағдайда алушының жақын туыстарына төлемдерді басқаға беруді ресімдеуге құқығы бар. Бұл жағдайда алушының жұбайының (зайыбының), алушының жақын туыстарының зейнетақы төлемдері алушының арнайы шотына есептеледі, ол оларды тек көзделген мақсаттарға ғана пайдалана алады.
3) алушылар өздерінің зейнетақы жинақтары шегінде төлемдерді шектеусіз рет және таңдап алынатын мақсаттар санын шектемей пайдалана алады;
4) БЗТ-ны меншікті және (немесе) қарыз қаражатымен бір мезгілде (Halyk Bank-те қарызды мерзімінен бұрын ішінара өтеуден басқа) пайдалануға болады);
5) алушының меншігінде тұрғын үйдің болуы БЗТ алудан және пайдаланудан бас тарту үшін негіз болып табылмайды;
6) өтініш берушінің және (немесе) алушының жұбайы (зайыбы), жақын туыстары меншік иесі болып табылатын жылжымайтын мүлікті сатып алуға арналған төлемдерді алушының пайдалануына жол берілмейді.
7) БЗТ-ны қолма-қол ақшасыз және тек таңдалған мақсаттарға ғана пайдалануға болады;
8) БЗТ қаражатының нысаналы мақсаты бойынша құжаттарды олар арнайы шотқа келіп түскен күннен бастап 10 жұмыс күні ішінде Банкке ұсыну қажет. Әйтпесе, Банк алушыға хабарлап, қаражатты БЖЗҚ-ға қайтаруы тиіс.
9) 5 (бес) жыл бойы біржолғы зейнетақы төлемдерін пайдалана отырып, меншікке ресімделген жылжымайтын мүлікті өткізуге жол берілмейді. Біржолғы зейнетақы төлемдерін пайдалана отырып меншікке ресімделген жылжымайтын мүлікті иеліктен шығару жөніндегі осы норма 01.01.2021 ж. ипотекалық тұрғын үй қарыздарына, сондай-ақ өтеу мерзімі 5 жылдан астам қалған және өтелмеген берешегі бар ипотекалық тұрғын үй қарыздарына ғана қолданылады.

Төлемдерді алушы Halyk Bank-те тұрғын үй жағдайларын жақсартудың мынадай мақсаттарына ғана пайдалана алады:
- Тұрғын үй сатып алуға ипотекалық қарыз алу үшін бастапқы жарна енгізу арқылы тұрғын үй жағдайын жақсарту;
- Halyk Bank-тегі ипотекалық қарыз бойынша берешекті ішінара немесе толық өтеу;
- Екінші деңгейдегі басқа банктегі ипотекалық қарыз бойынша берешекті ішінара немесе толық өтеу;
- Ипотекалық тұрғын үй қарызын қайта қаржыландыру.

Егер Сіз БЗТ пайдалана отырып, ипотекасыз тұрғын үй сатып алғыңыз келсе (толық сатып алу), зейнетақы жинақтарын мерзімінен бұрын шешіп алу жөніндегі басқа операторға (басқа Банкке) хабарласуыңыз қажет. Бағдарлама операторларын төмендегі сілтеме арқылы тексеріңіз
Сілтеме

1. Ұлы Отан соғысына қатысушы, жеңілдіктер бойынша Ұлы Отан соғысына қатысушыларға теңестірілген адам және басқа мемлекеттердің аумағындағы ұрыс қимылдарының ардагері
2. Ұлы Отан соғысы жылдарында тылдағы қажырлы еңбегі мен мінсіз әскери қызметі үшін бұрынғы КСР Одағының ордендерімен және медальдарымен наградталған адам
3. 1941 жылғы 22 маусым – 1945 жылғы 9 мамыр аралығында кемінде алты ай жұмыс істеген (қызмет өткерген) және Ұлы Отан соғысы жылдарында тылдағы қажырлы еңбегі мен мінсіз әскери қызметі үшін бұрынғы КСР Одағының ордендерімен және медальдарымен наградталмаған адам
4. I, II немесе III топтардағы мүгедектігі бар адам
5. мүгедектігі бар бала
6. он сегіз жасқа толғанға дейін әрбір осындай мүгедектігі бар бала үшін мүгедектігі бар баланың ата-анасының, қорғаншыларының, қамқоршыларының бірі
7.өмір бойына әрбір осындай адам үшін «бала кезінен мүгедектігі бар тұлға» деген себеппен мүгедектігі бар тұлға деп танылған адамның ата-анасының, қорғаншыларының, қамқоршыларының бірі
8. асырап алған бала он сегіз жасқа толғанға дейін әрбір осындай адам үшін – бала асырап алушылардың бірі
9. жетім балаларды, ата-анасының қамқорлығынсыз қалған балаларды баланы қабылдайтын отбасына беру туралы шарттың қолданылу мерзімі кезеңінде әрбір осындай адам үшін – жетім балаларды және ата-анасының қамқорлығынсыз қалған балаларды баланы қабылдайтын отбасына қабылдап алған ата-аналардың бірі

Егер Сіз жоғарыда көрсетілген адамдар санаттарының біріне жататын болсаңыз, БЗТ сомасынан ұсталған жеке табыс салығын (бұдан әрі – ЖТС) өтеу мақсатында талап қоюдың ескіру мерзімі ішінде (БЖЗҚ БЗТ-ны жүзеге асырған күннен бастап 3 жыл) БЖЗҚ бөлімшесіне жүгінуді ұсынамыз, олардың өзекті мекенжайлары, сондай-ақ ЖТС өтеу үшін құжаттар тізбесі БЖЗҚ-ның интернет-ресурсында орналастырылған.».

ЖТС-ны біржолғы тәсілмен ұстап қалу туралы Салық кодексіне енгізілген өзгерістерге сәйкес (Салық кодексіне өзгерістер енгізу туралы 45-заңның 351-1 бабының 6-тармағы):
Егер:
- жеке тұлғаның сақтандыру ұйымымен жасалған зейнетақы аннуитеті шарты болса
- жеке тұлға еңбек сіңірген жылдары үшін зейнетақы төлемдерін алушы болса
алушының ЖТС-ны ұстап қалуды кейінге қалдыруға құқығы жоқ

Егер Сіз жоғарыда аталған санаттардың біріне жатсаңыз, онда Сіз «Жеке табыс салығын (ЖТС) төлеуді кейінге қалдыру» функциясын өшіріп, «Қосымша талаптар» бөліміндегі тармақтардың біріне құсбелгі қоюыңыз керек.