Баспасөз орталығы

Кредит алу немесе депозит ашу үшін бұрын міндетті түрде бөлімшеге бару қажет еді. Талон алып, кезекке тұруды талап етіп, жарты күн уақытты алатын. Бүгінде Halyk-тағы кредиттердің 94%-ы және жаңа салымдардың 94%-ы қосымша арқылы рәсімделеді. Клиенттерге қызмет көрсететін дәстүрлі бөлімшелер енді ақша алатын да, ақша салатын орын болудан қалды.

Салыстырып қарайтын болсақ, әлемнің ең ірі 80 банкіне бақылау жасайтын McKinseyдің деректеріне сай цифрлық көшбасшыларда цифрлық арналар арқылы сату үлесі 70%-ға жетті; Bain – еуропалық бөлшек 50 банкті талдағанда көшбасшы банктердің көрсеткіші шамамен 73% деп атап өтті. 94%-ға жуық көрсеткіш әдетте бастапқыда бөлімшелері болмаған банктерде кездеседі. Halyk-тың бөлімшелері елдегі кез келген басқа банкке қарағанда көп, яғни бұл жерде таңдаудың жоқтығы туралы емес, клиенттің ыңғайлылық пен технологияны таңдауы туралы сөз болып отыр.

Бұл күнделікті өмірде қалай көрініс табады. Автокредитке өтінім берсеңіз — шешім бір минутта келеді. Салымды түнгі сағат бірде ашуға болады. Балабақша төлемі келесі айға өзі ескерту жасайды, енді күнді есте сақтаудың қажеті жоқ. Ай соңында қосымша ақшаның қайда кеткенін, яғни 800 мың теңге болса, оның төрттен бірі жол жүруге, бесінші бөлігі азық-түлікке, тағы он сегіз пайызы дәмханаларға жұмсалғанын көрсетеді.

Әрі қарай, бұрын телефонда бес түрлі қосымшаны жүктеуге мәжбүр ететін мүмкіндіктер көрсетіледі. Орын таңдауға болатын Алматы-Астана автобус билеті. Кинобилет – кіреберісте QR-кодты көрсетсеңіз болды. Дәріхана, азық-түлік, коммуналдық төлемдер, айыппұлдар, көлік — төлемнің 10 000-нан астам түрі бар.

Мемлекеттік қызметтер – бұл бөлек тақырып. Halyk SuperApp-та олардың саны жетпістен асады: цифрлық құжаттар, анықтамалар, жәрдемақылар, медициналық сервистер. Бұл мемлекеттің мемлекеттік қызметтерді смартфонға көшіру жөніндегі жалпы міндетінің бір бөлігі. Құжаттарды банктік қосымшаларға әдейі енгізді, себебі қарапайым: адам банк қосымшасын күн сайын ашады. Halyk қосымшасына барлық қызметтер емес, ең жиі сұралатын функциялар жинақталған.

Halyk Bank Басқарма Төрағасының орынбасары Михаил Хасин: «Біз қосымшаның дизайны мен ыңғайлылығын жақсарту үшін көп жұмыс істейміз, сонда клиенттеріміз ең қажетті нәрселердің бәрін бір-ақ рет басып жасай алады. Halyk SuperApp жұмысының жылдамдығын және банк сервистері мен экожүйенің қолжетімділігін үнемі бақылап, жетілдіріп отырамыз. Ол үшін біз мыңдаған әртүрлі өлшемдер мен параметрлерді жинап, талдаймыз. Операцияларды орындау жылдамдығы, сервистердің қолжетімділігі – осы көрсеткіштердің барлығы IT қызметкерлерінің маңызды KPI-лары болып табылады. Halyk ауқымында бұған тек ең күрделі технологиялық шешімдер мен инновациялық архитектураларды қолдану арқылы ғана қол жеткізуге болады. Біздің жұмысымызды осындай құрметті сарапшылар жоғары бағалағанына өте қуаныштымын» – деп атап өтті.»

2026 жылдың шілдесінде Halyk SuperApp қосымшасы Global Brands Magazine пікірі бойынша Қазақстанның ең үздік мобильдік банктік қосымшасы деп танылды. Британдық басылым салалық марапаттауды он үш жыл өткізіп келеді. Өтінімдерді тәуелсіз зерттеу тобы бағалады — олар шешімдердің жаңашылдығына, сапасына, клиенттерге қызмет көрсетуге және жалпы нәтижеге назар аударды.

Global Brands Magazine туралы

Global Brands Magazine — британдық басылым, бұл марапатты 2013 жылдан бастап табыстап келеді; категориялары — қаржы, білім беру, қонақүй бизнесі, лайфстайл, автомобильдер, технологиялар, 2025 жылғы салтанатты рәсім Дубайда өтті. Әртүрлі жылдардағы жеңімпаздардың қатарында – HSBC, BNP Paribas, DBS, JPMorgan Chase, Royal Bank of Scotland, Al Ahli Bank of Kuwait бар.

Halyk туралы

Halyk – жиынтық активтері 20 трлн теңгеден асатын Қазақстанның ең ірі банкі. Halyk цифрлық арналар мен бүкіл ел бойынша 540-тан астам бөлімшеден тұратын филиал желісі арқылы қызмет көрсетілетін ең ірі клиенттік базалардың біріне ие. Сонымен қатар, Halyk Грузия мен Өзбекстанда да өз қызметін жүзеге асырады. Halyk шетелдік қатысуы жоқ коммерциялық банктер арасында ең жоғары кредиттік рейтингтерге ие (инвестициялық деңгейде: Moody's – Baa1 / Fitch – BBB- / S&P – BBB-).