Баспасөз орталығы

Halyk Bank Best Sub-Custodian Bank Awards 24-ші жыл сайынғы сыйлығы шеңберінде Global Finance халықаралық қаржы басылымының нұсқасы бойынша Қазақстандағы үздік суб-кастодиан банк деп танылды.

Бұл марапат Halyk Bank-тің операциялық қызметтің жоғары стандарттарына, инновацияларды жүйелі түрде енгізуге және цифрлық технологияларға тұрақты инвестициялар салу арқылы жоғары сапалы кастодиандық қызметтер көрсетуге деген ұмтылысын мойындаудың айғағы болып табылады.

Global Finance сыйлығын жыл сайын Африка, Азия-Тынық мұхиты өңірі, Орталық және Шығыс Еуропа, Латын Америкасы, Таяу Шығыс, Солтүстік Америка және Батыс Еуропаны қоса алғанда, әлемнің жеті аймағында және 83 елде, аумақтарда және әкімшілік бірліктердегі қаржы институттарының қызметін бағалап, үздіктерді анықтайтын халықаралық қаржы басылымы тарапынан табысталады.

Жеңімпаздарды Global Finance редакциялық алқасы жетекші қаржы институттарының ұсынымдары негізінде айқындайды. Марапат бағалы қағаздарды сақтау, қорларды әкімшілендіру және реттеушілік талаптардың сақталуын қамтамасыз ету қызметтеріне сұраныс тұрақты өсіп отырған жағдайда бағалы қағаздарға депозитарлық және кастодиандық қызмет көрсету саласында тұрақты нәтижелер көрсетіп жүрген қаржы институттарына беріледі. Best Sub-Custodian Bank Awards сыйлығы осы бағыттарда үздік нәтижелерге қол жеткізіп, технологияларға белсенді инвестиция салатын және өзгеріп отырған реттеушілік талаптарға тиімді бейімделетін институттарды атап өтеді.

Halyk Bank үшін әлемдегі ең беделді қаржы басылымдарының бірі – Global Finance тарапынан осындай жоғары баға алу үлкен мәртебе. Бұл марапат Банктің әлемдік деңгейдегі кастодиандық қызметтерді ұсынуға, озық шешімдерді дамытуға және клиенттерге жоғары сапалы қызмет көрсетуге деген тұрақты ұстанымын айқын көрсетеді.

Global Finance туралы

1987 жылы негізі қаланған Global Finance журналы 50 мыңнан астам данамен таратылады және 193 ел мен аумақта оқырман қауымы бар. Басылым аудиториясына халықаралық корпорациялар мен қаржы институттарының инвестициялары мен стратегиялық дамуы туралы шешім қабылдайтын ірі компаниялар мен қаржы ұйымдарының басшылары кіреді.

Жеңімпаздар өткен жылғы қызмет нәтижелері, сондай-ақ іскерлік бедел мен басқару сапасы сияқты бірқатар критерийлер негізінде айқындалды. Лауреаттарды анықтау барысында Global Finance редакциялық алқасы нарықтық зерттеулердің нәтижелерін, салалық сарапшылардың пікірлерін және банктер ұсынған материалдарды ескеріп, жергілікті нарықтар мен өңірлерде тұрақты түрде ең жоғары қызмет көрсету стандарттарын қамтамасыз етіп отырған қаржы институттарын іріктеді.

Бағалау критерийлеріне клиенттермен өзара қарым-қатынас сапасы, қызмет көрсету деңгейі, тарифтердің бәсекеге қабілеттілігі, стандарттан тыс операцияларды өңдеу тиімділігі, технологиялық платформалар, есеп айырысудан кейінгі операциялардың сапасы, бизнестің үздіксіздігін қамтамасыз ету жүйелері, сондай-ақ жергілікті реттеушілік талаптар мен нарықтық тәжірибені білу деңгейі кірді. Бұдан бөлек, Global Finance кастодиандық қызметтерді пайдаланушылардың пікірлерін де ескерді.

Halyk Bank туралы

Halyk Bank – бөлшек, ШОБ және корпоративтік банк қызметтерін, сақтандыруды, лизингті, брокерлік қызметтерді, активтерді басқаруды және күнделікті өмірге қажетті қызметтерді қоса алғанда, әртүрлі сегменттерде жұмыс істейтін Қазақстандағы жетекші қаржы тобы. Halyk Bank-тің Қазақстан қор биржасында 1998 жылдан бері, Лондон қор биржасында 2006 жылдан бері және Астана халықаралық биржасында 2019 жылдан бері листингі бар.

2026 жылғы 31 наурыз жағдайы бойынша Банк жиынтығында 21,196 млрд теңге мөлшеріндегі активтерге ие бола отырып, Қазақстандағы ең ірі кредитор болып табылады. Банк елдегі ең ірі клиенттік базалардың біріне ие және филиал желісі кең тараған, ел бойынша 530 филиалы мен бөлімшесі бар. Сонымен қатар Банк Грузия мен Өзбекстанда қызмет етеді.

Банк туралы толығырақ ақпаратты: https://www.halykbank.com сайтынан табуға болады.

Қосымша ақпарат алуға болатын тұлғалар: