Баспасөз орталығы

Үлестік құрылыс - бұл үй сатып алудың ең тартымды және қолжетімді нұсқаларының бірі, өйткені салынып жатқан пәтерлер құрылыс аяқталғаннан кейін арзанырақ сатылады. Дегенмен де бұл нұсқа қауіпті, өйткені барлық құрылыс салушылар өз міндетін адал орындай бермейді. Сатып алушы үшін бүгінде құрылыс салушы компаниялар үлестік құрылысты келесі әдістердің бірімен ғана рәсімдей алатынын білу маңызды:

• Қазақстандық тұрғын үй компаниясының (ҚТҰК-ға) кепілдігі болған кезде, ол кез келген жағдайда объектінің құрылысын ҚТҰК есебінен аяқтауды қамтамасыз етеді;
• қазақстандық банктің қатысуымен әкімдіктің кепілдігі болған жағдайда. Егер құрылыс салушы құрылысты аяқтамаса, онда екінші деңгейдегі банктердің бірі ақшаны сатып алушыға жарна мөлшерінде қайтарады;
• "каркас" механизмі бойынша әкімдік кепілдігі болған жағдайда - құрылыс салушы бұл құжатты объектінің каркасын көрсеткеннен кейін ғана алады.

Өз клиенттерін қорғау және олардың өміріндегі ең маңызды шешімдердің бірін қабылдауда көмектесу үшін Halyk қазақстандық банктер арасында бірінші болып салынып жатқан үлестік объектілерді тексеру сервисін іске қосты.

Құрылыс салушыны тексеру үшін Halyk қосымшасында "Мемлекеттік қызметтер" бөлімінде "Жылжымайтын мүлікке" басып, құрылыс компаниясының атауын немесе БСН енгізіңіз және осы құрылыс салушының объектілері бойынша кепілдіктің бар-жоғын тексеріңіз.

Halyk компаниясының жаңа қызметінің арқасында үйдің болашақ иелері құрылыс салушыны алдын ала тексере алады. Бұл сервис азаматтарды қаражатын заңсыз тартатын құрылыс компанияларынан үй сатып алудан қорғауға мүмкіндік береді. Сондай-ақ, құрылыс салушылар тарапынан үлескерлердің құқықтары мен міндеттемелерін бұзу тәуекелі барынша азайтылады. Бұл ұзақ мерзімді немесе жалға берудің кешігу қаупін азайтады.

Бұдан бөлек, Halyk қосымшасының пайдаланушыларына аяқталған объектілер және әкімдіктің бұрын алған рұқсаттары/ҚЖК кепілдіктері бойынша ақпарат қолжетімді. Бұл туралы ақпарат "Қазреестр" бірыңғай ақпараттық жүйесінен келіп түседі, онда барлық заңды үлестік объектілер мен үлестік қатысу туралы шарттар есепке алынады.

"Біз өз клиенттерімізге қамқорлық жасаймыз және олар үшін пайдалы және өзекті қызметтерді іске асыруға тырысамыз. Halyk қосымшасы құрылыс салушыдан үлескерлердің ақшасын тартуға ҚТҰК кепілдігінің немесе әкімдіктің рұқсатының болуын тексеруге, тұрғын үй сатып алу кезінде ықтимал тәуекелдер немесе форс-мажорлар туралы алаңдамауға мүмкіндік береді. Біздің клиенттер кез келген уақытта құрылыс компаниясының кепілдігі немесе әкімдіктің үлескерлердің ақшасын белгілі бір объектілерге тартуға рұқсаты бар-жоғын тексере алады және өздері үшін ең оңтайлы нұсқаны таңдай алады", - деді Halyk басқарма төрағасының орынбасары Нариман Мұқышев.

Жаңа сервис Қазақстан тұрғын үй компаниясының қолдауымен іске асырылды.

Компанияның Басқарма төрағасы Алтай Күздібаевтың айтуынша, салынып жатқан тұрғын үйді сатып алмас бұрын және сату кеңселерінде шарт жасаспас бұрын азаматтарға құрылыс салушыларда ҚМК кепілдігінің не үлескерлердің ақшасын тартуға әкімдіктің рұқсатының болуын тексеру маңызды. "Halyk Bank және Қазақстан тұрғын үй компаниясы әзірлеген сервис бұл тексеруді ыңғайлы форматта – Halyk қосымшасы арқылы онлайн режимде жүзеге асыруға мүмкіндік береді. Біз бұл шешім салынып жатқан тұрғын үймен жасалған мәмілелер кезінде тәуекелдерді айтарлықтай азайтатынына сенімдіміз", - деді Алтай Күздібаев.

Halyk барлық қазақстандықты тек заңды үлестік құрылысқа қатыса отырып, өздерін және өз жинағын қауіпсіздендіруге шақырады.