Баспасөз орталығы
13.06.2025
Halyk «Өрлеу» мемлекеттік бағдарламасы бойынша бизнесті қаржыландыруды бастады
Halyk «Даму» кәсіпкерлікті дамыту қоры» АҚ-мен Микро, шағын және орта жеке кәсіпкерлік субъектілерін кейіннен қаржыландыру үшін «Өрлеу» өніміне қатысу туралы келісім жасады.
Кәсіпкерлер бизнеске жылдық 12,6% (ЖТСМ жылдық 13,7%-ға дейін) жеңілдікті мөлшерлемемен кредит алу мүмкіндігіне ие болды.
Қарыздың ең көп сомасы – инвестицияларға 7 млрд теңгеге дейін және айналым қаражатына 3,5 млрд теңгеге дейін.
Жеңілдетілген кредит беру үшін экономиканың басым секторлары:
- өңдеу өнеркәсібі (тамақ өнімдерін, тоқыма бұйымдарын, киім-кешек, химия өнеркәсібі өнімдерін, негізгі фармацевтикалық өнімдер мен фармацевтикалық препараттарды, резеңке және пластмасса бұйымдарын, электр жабдықтарын, жиһазды өндіру);
- көлік және қоймалау (жүк және жолаушылар тасымалы, қоймалау қызметтері);
- туризм (қонақүйлердің, кемпингтердің қызмет көрсетуі);
- білім беру (мемлекеттік тапсырыстары бар мектеп және мектепке дейінгі);
- денсаулық сақтау (медициналық орталықтар, көпсалалы клиникалар).
Бағдарламаға қатысқысы келетін кәсіпкерлер Halyk филиалдарына хабарласуы керек.