MoneyGram

Ақша аударымдарын жүргізу барысында алаяқтық әрекеттерден сақтану жолдары.

Құрметті «Қазақстан Халық Банкі» АҚ клиенттері, ақша аударымдары бойынша алаяқтық операциялардың алдын алу мақсатында келесі қарапайым қауіпсіздік шараларын қолдануыңызды сұраймыз:

1. Аударымдар жүргізу барысында аударымға қатысты деректерді (ішінара, сонымен қатар аударым нөмірімен қоса толық деректерді) үшінші тұлғаларға жария етпеңіз.

2. Аударымды ресімдеу барысында мұқият болыңыз, аударым туралы ақпаратты ешкімнің көріп/естіп алмауын бақылаңыз, өйткені алаяқтар осындай ақпаратты қолданып, аударымды алуға қажетті құжаттарды қолдан жасап алуы мүмкін. Аударымға қатысты деректерді үшінші тұлғаларға жария болмайтын жерде сақтаңыз.

3. Өзіңіз танымайтын тұлғаларға аударым жолдаудан аулақ болыңыз. Есіңізде болсын, осындай жағдайда Сіз алаяқтардың заңсыз әрекеттерінен зардап шегуіңіз мүмкін. Ақшаңызды өзіңіз танитын сенімді адамдарға ғана жолдаңыз.

4. Егер бейтаныс адам аударым жолдауға өтініштің көшірмесін немесе операция жөніндегі басқа да ақпаратты беру туралы өтініш жасайтын болса, аталған адаммен қатынасыңызды дереу тоқтатыңыз, өйткені бұл алаяқтық  әрекеті болуы ықтимал. Ақша аударымдары төлемге қабілеттілікті растау ретінде ешқандай жағдайда қолданылмайды.

5. Ақша аударымдарын оны алатын уақыттан тым ерте жолдамаңыз, мысалы, шетелдік сапарды жоспарлағанда. Ақша аударымдары қызметі жіберілген ақшаны 10-15 минут ішінде алуға мүмкіндік береді.

6. Банк тарапынан аударымды жіберу/алу қажеттігі туралы қоңырау соғылған/ электронды/смс хабарлама жолданған болса, осындай ақпаратқа назар аудармаған жөн. Өйткені Банк аударымды жіберу/алу жөнінде клиенттерге қоңырау соқпайды, хабарлама жолдамайды.

7. Лотереяда қомақты ұтысқа ие болғаныңыз/жүлде ұтып алғаныңыз жөнінде, осыған қоса аталған жүлдені алу үшін ресімдеу, салықты төлеу, кеден алымдарына және т.б. қажетті белгілі бір ақша сомасын жолдауыңыз қажет екендігі хабарланған қоңырау соғуларға/электронды/смс хабарламаларына сенбеңіз.

Құрметпен,
Қазақстан Халық Банкі

Бөлімшелер тізімі