Баспасөз орталығы

Halyk мемлекеттік сатып алуға қатысушылар үшін цифрлық өнімдер желісін кеңейтіп, кепілсіз бланктік демпингке қарсы кепілдікті іске қосты. Енді кепілдікті жаңа Onlinebank.kz платформасында толығымен онлайн режимде — бөлімшеге бармай-ақ, қағаз құжаттарсыз және ақшалай қамтамасыз етусіз ресімдеуге болады.

Демпингке қарсы кепілдік — мемлекеттік сатып алуға қатысушылар, өнім берушілер үшін сатып алу талабы. Ол бағаны едәуір төмендеткен қатысушының жұмысты сапалы орындай алатынын, яғни тек келісімшартты жеңіп алу үшін емес, өз міндеттемелерін толық орындауға ниетті екенін растайды.

Қарапайым тілмен айтқанда, бұл өнім берушінің ниетінің шынайылығын растайтын және баға айтарлықтай төмендеген күннің өзінде шарттың орындалатынына тапсырыс берушіге сенімділік беретін қосымша қаржылық қамтамасыз ету.

Неліктен бизнес Halyk-тың цифрлық кепілдігін таңдайды:

• кепілсіз және меншікті қаражатты айналымнан шығармайды — айналым капиталы бизнестің дамуына жұмысын жалғастырады;
• Onlinebank арқылы толық қашықтан рәсімдеу;
• өтінім беру үшін тек 1 жолды толтыру жеткілікті (шарт нөмірі);
• кепілдік 10 минут ішінде мемлекеттік сатып алу порталына (goszakup.gov.kz) автоматты түрде жүктеледі;
• бір кепілдік бойынша лимит — 100 млн теңгеге дейін, бір клиентке — 200 млн теңгеге дейін.

Жаңа сервис кәсіпкерлерге мемлекеттік сатып алу талаптарын жылдам орындауға, құжаттарды ресімдеуге кететін уақытты қысқартуға, айналым қаражатын сақтауға және бизнесті дамытуға көбірек көңіл бөлуге мүмкіндік береді.

Құрметпен, Halyk