Баспасөз орталығы

Halyk Bank саяхаттайтын клиенттер үшін QR-төлем қызметін кеңейтуде. Жақын уақытта Halyk Super App (жеке тұлғалар үшін) және Onlinebank (кәсіпкерлер мен заңды тұлғалар үшін) қосымшаларындағы UnionPay карталарының иелері Қытайда және UnionPay QR қабылдау қолжетімді 40-тан астам елде (Жапония, Оңтүстік Корея, Шри-Ланка, Таиланд, Моңғолия және т.б.) сатып алулар үшін төлем жасай алады.

Қызмет қалай жұмыс істейді

Жаңа функционал мобильді қосымша арқылы сатушының QR-кодын сканерлеуге, төлем жасау үшін жеке QR-код қалыптастыруға, сондай-ақ QR-эквайринг қолданылатын дүкендерде, мейрамханаларда және қызмет көрсету орындарында тауарлар мен қызметтерге бірден ақы төлеуге мүмкіндік береді. Төлем жасау сәтінде UnionPay картасы болмаған жағдайда, оны онлайн режимде цифрлық түрде шығаруға болады. Сондай-ақ қызмет қолжетімді болуы үшін Банктің мобильді қосымшасын жаңарту қажет.

Бизнес және саяхатшылар үшін мүмкіндіктер

Жаңа функция Қытайда төлем жасауды туристер үшін де, тұрақты түрде сауда жасауға баратын немесе қытайлық серіктестермен бизнес жүргізетін кәсіпкерлер үшін де едәуір ыңғайлы етеді.

Кәсіпкерлер үшін қызмет қосымша мүмкіндіктер ашады:

• Қытайдағы жеткізушілермен және сауда орындарымен ыңғайлы есеп айырысу;
• QR-төлемдер кеңінен қолданылатын базарлар мен сауда орталықтарында тауарларға ақы төлеу;
• іссапарлар кезінде қолма-қол ақшаны пайдалану қажеттілігін азайту.

Жеке клиенттер үшін жаңа функция саяхат кезінде күнделікті шығындарға – кафелер мен дүкендерден бастап көлік пен түрлі қызметтерге дейін – төлем жасауды жеңілдетеді.

Қытайға жыл сайын 600 мыңнан астам сапар

Қазақстан – Қытай бағыты қазақстандықтардың іскерлік және туристік сапарлары үшін маңызды болып қала береді. Туризм министрлігінің ресми деректеріне сәйкес, Қазақстан азаматтары жыл сайын Қытайға 500–600 мыңнан астам сапар жасайды, ал визасыз режим енгізілгеннен кейін туристік және іскерлік ағын артып келеді.

2025 жылы Қытайға 150 млн-нан астам шетел азаматының келуі тіркелді, бұл өткен жылмен салыстырғанда 17%-ға көп. Оның ішінде 30,08 млн сапар визасыз режим аясында жүзеге асырылған, бұл алдыңғы жылмен салыстырғанда 49,5%-ға өсімді көрсетеді.

2026 жылдың басында Қазақстан-Қытай шекарасындағы жолаушылар ағынының артуы да сапарлардың белсенділігін көрсетеді.

Қытай – әлемдегі ең перспективалы цифрлық төлем экономикаларының бірі

Қытай бүгінде цифрлық төлем экономикасы ең дамыған елдердің бірі саналады. Ірі қалаларда бөлшек саудадағы төлемдердің 90%-дан астамы QR-код арқылы жүзеге асырылады.

Төлем жасаудың негізгі құралы ретінде QR-эквайринг жүйелері кең қолданылып жүр. Сол себепті көптеген сауда орындарында шағын дүкендер мен базарлардан бастап мейрамханалар мен түрлі қызмет көрсету орындарына дейін - QR арқылы төлеу банк карталары мен қолма-қол ақшаның орнын іс жүзінде басып отыр.

Бұл шетелдік туристер мен кәсіпкерлер үшін белгілі бір қиындықтар туындататын, себебі көптеген сауда орындары тек QR-төлемді қабылдайды, ал халықаралық банк карталары барлық жерде жұмыс істей бермейді.

20 жылдан астам серіктестік

Halyk Bank пен UnionPay 20 жылдан астам уақыт бойы ынтымақтастықта жұмыс істеп, заманауи төлем шешімдерін дамытып және клиенттер үшін халықаралық есеп айырысу мүмкіндіктерін кеңейтіп келеді.

UnionPay QR және Weixin Pay QR (Қытайдың материктік бөлігінде WeChat Pay) қолдауын іске қосу Банктің цифрлық қызметтерін дамытудағы және бүкіл әлем бойынша клиенттер үшін қолма-қол ақшасыз төлем мүмкіндіктерін кеңейтудегі кезекті қадам болды.