Пресс-центр
Халық банк әйелдер бизнесін қолдау мақсатында жеңілдетілген пайыздық мөлшерлемемен кредитеу үшін үшінші транш ретінде 1 млрд теңге бөледі
2019 жылғы 21 ақпан, Алматы - Халық банк әйелдер кәсібіне жеңілдетілген кредит беру бағдарламасы аясында үшінші транш ретінде қосымша 1 млрд теңге бөледі. Бұл туралы «Women in Business» әйелдер форумында банктің басқарма төрайымы Үміт Шаяхметова мәлімдеді.
Бағдарлама 2018 жылдан бастап «Атамекен» ҰКП-ның іскер әйелдер кеңесі және Халық банктің бастамасымен жүзеге асырылды. Жоба әлеуметтік бастамаларды қолдауға арналған және банктің жеке қаражаты есебінен жүзеге асырылды. Бұрын банктің екі траншы нәтижесінде 236 әйел кәсіпкер 2 млрд. теңгеге несие алды.
Кредиттер нарықтағы ең төмен пайыздық мөлшерлеме бойынша екі жылға дейінгі мерзімге жылына 5%, ал жеті жылға дейін 7%-бен ресімделеді. Кредиттің максималды сомасы - 10 млн теңге. Кепіл түрінде жылжымайтын мүлік, жер телімдері, құрал-саймандар, тауарлық-материалдық құндылықтар, жеке мүлік, автокөліктер болуы мүмкін.