3D Secure

2012 жылдың бірінші наурызынан бастап Халық Банкі өзінің төлем карточкасын иеленуші  клиенттеріне Интернет желісіндегі жаңа қызмет түрін -Verified by Visa (VISA карточкалары үшін) және Secure Code (Master Card карточкалары үшін)  3D Secure  қауіпсіз төлемдер жүйесін  ұсынады.  

  

3D Secure  деген не?

3D Secure – Visa (Verified by Visa жүйесі) және MasterCard (Secure Code жүйесі) төлем жүйелері жасаған, карточка иесіне 3D-паролін енгізу арқылы қосымша сәйкестендіру жүргізуге мүмкіндік беретін үздік технология. 3D Secure Интернет желісіндегі төлем карточкалармен жүргізілетін даулы және алаяқтық операциялар санының деңгейін айтарлықтай азайтуға мүмкіндік береді.

 

3D Secure  қалай жұмыс істейді? 

3D Secure технологиясын пайдалану арқылы төлем жасай отырып, Сіз Интернет желісінде төлем жүргізу процесінде жаңа мүмкіндіктерге ие боласыз. 3D Secure технологиясымен жұмыс істейтін Интернет-дүкенде сауда жасау кезінде Сізге өзіңізге ғана белгілі 3D паролін енгізу ұсынылады. Пароль енгізілгеннен кейін Интернет-дүкен мен Банктің арасында қорғалған қосылыс орнатылады және Сіздің енгізген мәліметтеріңізге сәйкестендіру жүргізіледі. Жасалған сауданың төлемақысын Интернет-дүкен сәйкестендірудің сәтті жүргізілгендігі туралы Банк растамасын алғаннан кейін  ғана жүргізеді.

 

Халық Банкінің 3D Secure қорғанысы бар карточкасын иеленушінің қандай артықшылықтары болады? 

  • Кредит карточкаларын да, дебет карточкаларын да пайдалану арқылы жүргізілетін интернет-төлемдерінің қауіпсіздігі артады.
  • Егер Сіз Интернет арқылы операциялар жүргізуді жоспарламасаңыз,  3D Secure Сіздің қатысуыңызсыз мұндай операциялардың жүргізілмейтіндігіне сенімдік береді.
  • Тауарлар немесе қызметтерге жаңа технология бойынша ақы төлеу үшін Сізге карточкаңызды ауыстырып жату қажет емес – тек 3D Secure көмегімен жұмыс істеуге мүмкіндік беретін парольді ғана алу керек.

 

 

Аталған қызмет түріне қосылу үшін ұсталатын комиссия сомасы қандай? 

Қызметке қосылу үшін тіркелуді және 3D Secure паролін алуды комиссия төлеместен және Банкке келіп жатпай-ақ жүргізуге болады.

3D Secure қызметіне қалай қосылуға болады?

 Нұсқаулықтармен  танысыңыз. 

 

Егер Сіз қазіргі бар пароліңізді, қосалқы көмек сөзді, қошемет сөзді өзгертуді қаласаңыз, не істеу керек?

Қазіргі бар пароліңізді, қосалқы көмек сөзді, қошемет сөзді өзгерту үшін Сізге мынадай әрекеттер жасау қажет:

1. 3ds.halykpay.kz. сайтына кіріңіз де, өзіңіздің төлем карточкаңыздың нөмірін енгізіңіз.

2. Нысандағы жолдардың бәрін толтыру арқылы карточка иесін сәйкестендіру рәсімінен өтіңіз. Бұл әрекеттерден кейін экранда төлем карточкасының тіркеліп қойғаны жөнінде хабар шығарылады және мынадай нұсқалар ұсынылады: «Мәліметтерді өзгерту», «Қызметтен ажырату» және «Болдырмау». «Мәліметтерді өзгерту» деген опцияны таңдап алыңыз. 

3. Өзіңіздің 3D Secure көрсеткіштеріңізді* жасаңыз. Нысандағы жолдардың барлығын толтыру керек және бұл ретте жаңа 3D Secure паролін ойлап тауып, оны енгізу қажет.

4. Тиісті ақпарат толығымен және дұрыс енгізілген болса, жүйе Сізді 3D Secure бағдарламасында тіркелу сәтті аяқталғаны туралы хабардар етеді. 

 

Қызметтен ажыратуды қалай жүргізукерек? 

1. 3ds.halykpay.kz. сайтына кіріңіз де, өзіңіздің төлем карточкаңыздың нөмірін  енгізіңіз.

2. Нысандағы жолдардың бәрін толтыру арқылы карточка иесін сәйкестендіру рәсімінен өтіңіз. Бұл әрекеттерден кейін экранда төлем карточкасының тіркеліп қойғаны жөнінде хабар пайда болады және мынадай нұсқалар ұсынылады: «Мәліметтерді өзгерту», «Қызметтен ажырату» және «Болдырмау». «Қызметтен ажырату» деген опцияны таңдап алыңыз.  Бұл опция таңдалған жағдайда тиісті рәсім іске қосылады да, клиенттің 3D паролі жойылады.


Егер Интернет-дүкен VbV немесе SecureCode технологиясы бойынша жұмыс істейтін болса, Visa немесе MasterCard карточкасымен сауда жасауды қалай жүргізуге болады?

            Интернет-дүкеннің 3D Secure технологиясымен жұмыс істейтіндігінің белгісі Интернет-дүкен сайтында технология логотипінің орналастырылуы болып табылады.

Төлем тәртібі:

  1. Сатылымды таңдап алыңыз.
  2. Интернет-дүкен сұрататын карточка деректемелерін енгізе отырып, төлемді ресімдеуді жүргізіңіз.
  3. Интернет-дүкен карточка нөмірі бойынша қажетті тексеруді жүргізгеннен кейін Сіздің мәліметіңіз автоматты түрде қызмет көрсетуші банктің сайтына жіберіледі.
  4. Тиісті жолдарды толтырыңыз.
  5. Пайдаланушыны сәйкестендіру үшін Сіз қорғалған сайтқа жіберілетін боласыз, онда Сіз өзіңіз  алған 3D Secure паролін енгізуіңіз қажет.


Назар аударыңыз!!!

Интернеттің басқа беттерінің қайсысында болсын, пароль енгізуге қатаң тыйым салынған.

Клиентке дәл біздің сайтқа түскендігін анықтауға мына жағдай көмектесе алады:

  • біздің сайт бетінің электрондық мекен-жайы былайша басталу керек: https://3ds.halykpay.kz/;
  • сайт бетіне кіру кезде Сіздің жүйеде тіркелу үшін ойлап тапқан қошемет сөзіңіз міндетті түрде көрсетіледі.


6. Жүргізілген операция нәтижесін күтіңіз.

Мүмкін болатын нәтижелер:

— Егер 3D Secure паролі дұрыс енгізілмесе немесе енгізілмеген болса, карточка бойынша операция жүргізуден бас тартылады.

— Егер 3D Secure паролі дұрыс енгізілген болса, операция мақұлданады. Операцияны жүргізуден басқа талаптарды тексеру талаптарының нәтижесіне қарай бас тартылуы мүмкін, бұл талаптар карточка бойынша операция жүргізу кезінде тексеріледі (шоттағы ақшаның жеткіліктілігі, карточканың мәртебесі және әрекет мерзімі, операцияны жүргізу үшін қол жетімді лимит, т.б.).

 

Парольді ұмытып қалған жағдайда не істеу керек?

  1. Егер Сіз өзіңіздің 3D Secure пароліңізді ұмытып қалған болсаңыз, парольді қайта алу үшін банкомат арқылы қосылу рәсімінен түгелдей қайталап өту керек (нұсқаулықтағы 1 – 5 қадамдар бойынша әрекеттерді қараңыз).
  2. Егер Сіз өзіңіздің 3D Secure пароліңізді үш рет дұрыс енгізе алмаған болсаңыз, пароль енгізу әрекеттерінің мөлшерін ұлғайту үшін Халық Банкінің Байланыс орталығына мына телефондар бойынша өтініш жасау қажет: (727) 259 07 77 (Алматы қ. үшін), 8 8000 8000 59 (Қазақстан бойынша қоңырау шалу үшін).

 

* әріптерді қолдану тәртібі (бас әріп, кіші әріп) ескеріледі.

 

 

Интернет-банкинг

Байланыс мәліметі

Звонок из Алматы

8-727-259-07-77

Бесплатный звонок из регионов

8-8000-8000-59

Халық банкі картада

барлық бөлімшелердің адресі мен телефондары, банкоматтар мне терминалдардың мекен жайы

адрес головного офиса

050008, г. Алматы, пр. Абая 109 В

Сайттағы барлық бөлімдер картасы

Тендерлер

Halyk Group