Баспасөз орталығы

Halyk Bank коммерсанттарға смартфондағы POS-терминалды ұсынады. Басты артықшылықтары – ыңғайлы және тиімді

01.09.2020

2020 жылғы қыркүйек, Алматы – Halyk Bank коммерсанттар, шағын және микро-бизнес үшін смартфондарда контактісіз төлемдерді қабылдау үшін қолайлы шешім - Halyk Pos қосымшасын (SoftPos технологиясында) ұсынады

Жанасусыз төлемдер технологиясына негізделген Halyk Pos қосымшасы NFC-модулі* бар Android базасындағы смартфонды қосалқы жабдықсыз POS-терминалға айналдыруға мүмкіндік береді. Ол шағын сауда-сервистік кәсіпорындар үшін арналған және оларға контактісіз төлемдерді смартфонның көмегімен қабылдауға мүмкін береді. Шешім сауда-сервистік желіде электрондық төлемдерді қабылдау мүмкіндіктерін айтарлықтай ұлғайтып, сауда нүктесінің клиенттер базасын көбейтуге және эквайринг қызметтеріне қосылу құнын барынша азайтуға мүмкіндік береді.

Halyk Bank Транзакциялық бизнесі департаментінің директоры Гүлсім Душатова: «Halyk Pos қосымшасы қолма-қол төлемдер бойынша, мысалы, инкассацияға шығындарды қысқартуға және қолма-қол ақшасыз төлемдерді белсенді қабылдауға мүдделі микро және шағын бизнеске арналған. Жаңа шешім контактісіз төлемдер қабылдау желісін кеңейту, клиенттер базасын ұлғайту және эквайринг қызметтеріне қосылуға шығындарды төмендету арқылы кәсіпкерлердің бизнес-процестерін оңтайландыруға мүмкіндік береді. Бөлшек бизнестің клиенттері де, өз кезегінде, контактісіз технологиялардың көмегімен жылдам, ыңғайлы және қауіпсіз төлем жүргізу мүмкіндігіне ие болады».

Жанасусыз төлем технологиясы арқылы төлемдер қабылдауға қосылу үшін кәсіпкер Halyk Pos қосымшасын жүктеп, Halyk Bank-пен эквайринг шартын бекітуі керек. POS-терминалды толығымен алмастыра алатын Halyk Pos қосымшасын орнатып, сіз контакісіз POS-терминалдың барлық функцияларына қосымша құрылғыларсыз қол жеткізе аласыз.

Негізгі артықшылықтары

  • POS-терминалдың орнына смартфон, қосымша жабдық сатып алудың қажеті жоқ
  • Контактісіз төлемдер қабылдау 24/7
  • Кез келген банк картасымен төлеу және смартфон арқылы төлеу
  • Операциялар туралы нақтыланған есептілік
  • Төлемдер қабылдау бойынша заңнаманы сақтау
  • Барлық банктердің клиенттерін қосу


Функциялары

  • Кез келген банктердің карталары бойында (Visa, Mastercard және Union Pay) төлемдер қабылдау
  • Homebank Pay, Apple Pay, Samsung Pay және Garmin Pay арқылы смартфонмен төлемдер қабылдау
  • Төлемдерді болдырмау және кері қайтару
  • Электрондық чектерді жөнелту
  • Операциялар бойынша тізімді және ерекшеліктерін қарау


Өз кезегінде, тұтынушылар – бөлшек бизнес клиенттері – қосымша мүмкіндіктерге ие болып, контактісіз карталар, смартфондар, тағып жүретін NFC-құрылғылар - Smart-сағат, сақина мен браслеттер арқылы қауіпсіз, жылдам және ыңғайлы төлем жүргізе алады.

*NFC, немесе Near field communication, «жақын контактісіз байланыс» — әрекет ету шеңбері үлкен емес сымсыз байланыс технологиясы, оның көмегімен құрылғылар арасында деректемен алмасуға болады.

***

Halyk Bank (АО «Народный Банк Казахстана») клиенттер базасы мен таралу желісі ең үлкен болатын Қазақстандағы ең ірі қаржы тобы әрі жетекші бөлшек сауда банкі болып табылады. Банк әмбебап қаржы тобы ретінде дамып келеді, өзінің бөлшек клиенттеріне, шағын және орта бизнес клиенттеріне және корпоративтік клиенттеріне қызметтердің кең ауқымын ұсынады (банктік, брокерлік қызметтер, сақтандыру, лизинг және активтерді басқару жөніндегі қызметтер). Сонымен қатар Халық банкі өз операцияларын Ресейде, Грузияда, Қырғызстанда, Тәжікстанда және Өзбекстанда жүзеге асыруда. «Қазақстан Халық Банкі» АҚ бағала қағаздары Қазақстанның (KASE, AIX) және Ұлыбританияның (LSE) қор биржаларында айналатын листингтік компания болып табылады.


«Қазақстан Халық Банкі» АҚ PR-қызметі

тел. +7 701 220 31 53 | pr@halykbank.kz | www.halykbank.kz